NINI - NINI DI ACARA KAWINAN

Dina hiji prasmanan acara Kawinan Neng Onah Boboko ( Tukang Jamu ) & Ujang Piriwit ( Tukang Parkir ), eta tamu undangan meuni pinuh ngagulung jiga nu keur di pasar..
maklum meureun acara kawinan na dirayakeun meuni mewah pisan sampe ka nanggap doger monyet jeung jaipongan.

pas keur ngantri prasmanan aya nini-nini nu keur ngorehan / ngocek angeun soup meuni lila pisan sampe ka antrian ngantai siga rek lalajo bioskop film 2012..

Nu Ngantri : " nini ulah lami teuing atuh ngocek soup teh, ieu antrian tos panjang ".

Nini-Nini : " kela ujang antosan sakedap deui nya..". (bari anteng we ngocek soup )

Nu Ngantri : " ari nini nuju ngorehan naon atuh..?? apanan daging mah eta aya di luhur ngambang tinggal di siuk ". ( bari aneh jeung panasaran nempo kalakuan si nini )

Nini-nini : " sanes milari daging ujang nini mah..". ( bari terus we ngocek angeun soup )

Nu Ngantri : " trus ari nini milari naon atuh..?? eta nyiuk soup wae meuni lami jeung di kocek2 ". ( nu ngantri keuheul tp panasaran )

Nini-Nini : " ieu ujang nini teh milari Huntu Palsu nini tadi murag kana ieu angeun soup ". ( bari beungeut tanpa dosa )

Nu Ngantri : " dasar weureu...( kabeh nu ngantri langsung bubar da meureun geuleuh )

PHOTO BARUDAK NGACAPRAK KEUR LEUTIK ......!!!!!

SI EMED VS NYI ROMLAH

Si Emed terkenal Playboy di hiji lembur, hiji mangsa manehna bogoh ka Nyi Romlah budak bandar Bakiak, trus Si Emed nyamperkeun Nyi Romlah niat rek Ngarayu..

SI EMED : " Neng, akang bade naros..kersa teu ka akang nu kasep kapaksa ieu ?".

NYI ROMLAH : " Ah teu hoyong ka akang mah playboy..". ( bari ngabalieurkeun beungeut )

SI EMED : : " ceuk saha neng..? kumaha akang tiasa janten playboy, akang mah rumasa beungeut goreng, domba oge teu bogoheun ka akang mah". ( bari tuluy ngarayu )

NYI ROMLAH : " Ih komo mun kitu..cik atuh mikir kang, domba wae teu bogoh ka akang, kumaha deui abi..?? ( bari ngajeubian )

SI EMED : " aeh ari neng..apanan matak akang milarian nu sahandapeun ti domba oge ngahaja meh akang teu di tolak ". ( bari beungeut pede )

NYI ROMLAH : " nurustunjung siah..emang uing teh domba..??". ( bari maledog ku sendal )

HUNIDUN VS NU GELO

Si Hunidun balik ngadu hayam bari jeung eleh...manehna balik bari ngelek hayam trus ngaliwat hareupeun nu gelo nu keur cicing handapeun tangkal jambu, geus kitu di carekan ku nu gelo eta..

NU GELO : " iih aneh jelema teh, ulin bari mawa monyet ". ( bari nyaliksik bu'uk na nu gimbal )

SI HUNIDUN : " Geus puguh maneh nu gelo mah, hayam disangka monyet ". ( bari keuheul da keur aral gara2 ngadu hayam eleh )

NU GELO : " Ih meuni Ge-er, bari na oge uing mah keur ngomong jeung tangkal jambu lain jeung maneh...iihhh, dasar nu gelo amuk2an sorangan ". ( bari seuri nyikikik trus keprok )

HUNIDUN : " Maneh Nu gelo mah koplok..( bari beureum beungeut da meureun era )

BI SARBO'AH

Bi Sarbo'ah tukang gorengan keliling, maneh na pas balik ngider jualan gorengan ujug-ujug di tengah jalan ngarasa teu kuat mules jeung hayang Pipis, akhirna manehna abus ka kebon trus nagog handapeun tangkal Caringin nu diluhurna aya budak leutik keur ulin na tangkal

BI SARBO'AH : " duuhh untung we masih bisa ka tahan keneh jd teu ki'ih na calana ". (bari ngomong sorangan )

BUDAK : " asik aya hiburan..( Seuri di tahan bari no'ong Bi Sarbo'ah nu keur Pipis ) ".

BI SARBO'AH : " duuh aya ku nikmat ki'ih teh...( geus kitu tuluy manehna hitut brat, bret, brot )

BUDAK : " ( teu sadar nyeletuk ) ih dasar aneh geus pipis teh malah hitut brat, bret, brot ".

BI SARBO'AH :" eehh..naha teu apal kitu Ujang..?? apanan Hujan Oge Sok Jeung Guludug na ". ( bari ngaleos da era teu nyangka aya budak di luhur tangkal )

BUDAK : " Dasar Weureu..".( bari nutupan irung da hitut na bau kacida )

SI KARNIDUN

Si Karnidun Bobogohan jeung budak Pa Haji nu terkenal Galak di hiji lembur, geus kitu si karnidun di panggil ku Pa Haji gara-gara ngahamilan budakna nu anyar kaluar SMU..

PAK HAJI : " Cik uing rek nanya, bener maneh nu ngahamilan Si Ety Budak uing..??".

KARNIDUN : " Muhun pak leres, emang na kunaon kitu pak..? ( beungeut tanpa dosa )

PAK HAJI : " Yeuh..emang maneh teu mikir kitu budak uing teh leutik keneh, kumaha mun ke kaguguran kandungan, emang maneh rek tanggung jawab..??". ( bari nyarekan jeung tutunjuk )

KARNIDUN : " teu nanaon da abi mah tangung jawab mun si Neng kaguguran mah".

PAK HAJI : " Tanggung Jawab Kumaha..??".

KARNIDUN : " Muhun, pami si Neng Kaguguran abi bade Tanggung Jawab ngadamel deui nu enggal kanggo gentos na ".

PAK HAJI : " Na sia teh nurustunjung kalakuan teh..!!!". ( bari ngacungkeun bedog )

HAYANG EUREUN NGAROKO..!!!

Si Sumad ngarasa rudet, unggal poe batuk wae teu eureun2 saking ku loba teuing ngaroko. akhirna si Sumad indit ka Dokter nu maksudna rek konsultasi masalah kesehatan

SUMAD : " dok, simkuring teh batuk wae gara2 ngaroko, kunaon nya..??".

DOKTER : " ooh atuh mun kitu mah bapak ti mulai ayeuna kedah eureun ngaroko".

SUMAD : " da ayeuna oge tos tiasa eureun ngaroko mah".

DOKTER : " trus mun tiasa eureun mah sae atuh..trus nu jadi masalah ayeuna naon..??". ( bari bingung )

SUMAD : " masalahna tiasa eureun teh ku cara mun bade ngaroko trus eta roko na di coelkeun heula kana Tai Kotok ".

DOKTER : " nya sae atuh teu nanaon mun kitu mah, janten bapak moal daek ngaroko da jadi geuleuh".

SUMAD : " Muhun dok, ngan nu janten masalah ayeuna simkuring janten kabiasaan nyolek Tai Kotok...kumaha nya dok.??".

DOKTER : " atos we sakalian Lamot tah Tai Kotok teh ku Bapak.....( keuheul bari ngaleos )

NINI - NINI LIEUR..!!!

Aya Nini-nini indit ka stasiun Kareta Api, pas geus di Stasiun Kareta manehna culang cileung nempoan jadwal pemberangkatan Kareta bari beungeut bingung
akhirna manehna nanyakeun ka penjaga Karcis

Nini : " pak, ari kareta jurusan Bandung - Surabaya iraha dongkapna?".

Penjaga : " ooh nu ka bandung mahatos tadi jam 11.00 Wib ".

Nini : " ari nu dongkap ayeuna jurusan naon?".

Penjaga : " nu dongkap ayeuna mah jurusan Jakarta - Yogya".

Nini : " oohh kitu...kira2 sabara menit deui dongkap na?".

Penjaga : " paling 15 menit deui...ari nini bade kamana..?".

Nini : " ah moal kamana-mana pak, ngan nini mah bade ngiring nyebrang Rel Kareta soalna sieun kaburu datang Kareta na". ( culang cileung bari beungeut siga nu sieun )

Penjaga : " dasar nini-nini edan..". ( bari ngaleos )

Profile Playlist by tu7uh

Profile Playlist by tu7uh

AWEWE NURUSTUNJUNG

Obrolan 2 pasangan calon panganten nu rek kawin saminggu deui..

Lalaki : " nyai sayang, saminggu deui urang teh bakal nikah... akang mah ke pami bobo sareng nyai, pas malam pertama akang hoyong di service nu matak akang betah

Awewe : " duuh akang tercinta, nyai mah janji bakal masihan nu pang sae na kanggo akang..ku nyai mah bakal di service sampe ka akar-akar na

lalaki : " wah ..?? nu leres eta teh nyai..?? ( bari atoh pisan )..emang neng tiasa kitu masihan service nu matak puas ka akang..??

Awewe : " kantenan atuh akang, pami akang teu percanten kana pengalaman nyai mah...mangga we taroskeun ka rerencangan akang, si Suhri, Si Jumad, Si Memed. dll...

lalaki : " dasar nurustunjung sia mah nyai...( bari eta awewe na di kepret )

PANGANTEN ANYAR

Aya Panganten anyar, sebut we ROHIDIN & ROKAYAH

eta Neng Rokayah ti mimiti di rapalan sampe ka diuk di korsi panganten pagawean ngan ukur ceurik jeung ceurik, sampe ka bingung kabeh kolot ti dua belah pihak, oge kabeh nu aya didinya..

kacaritakeun pas keur narima tamu undangan oge manehna tetep we ceurik, akhirna salakina keheul trus ngajakan heula ka tukang bari ninggalkeun tamu nu ngantri rek sasalaman..

geus di tukang Rohidin nanya :

ROHIDIN : " Cik atuh nyai ulah ngerakeun akang, ari nyai teh kunaon ceurik wae..?? bisi pajarkeun gara2 akang..emang aya nu salah ti akang..??

ROKAYAH : " Teu nanaon kang...( bari beuki tarik ceurikna )

ROHIDIN : " Sok atuh nyarita ka akang, naha nyai teh hanjakal kawin jeung akang nu ganteng model kieu..?? atawa gara2 Mas Kawin Seperangkat Alat Vital Kumplit Plus Kolorna nu di bere ku akang masih kurang keneh..??

ROKAYAH : " Sanes kitu kang, nyai teh mun calik wae ieu BISUL 2 siki nu aya na bujur nyai karasa pisan nyeuri mun pas Kageuncet Korsi....!!!

DASAR BUDAK

Di hiji madrasah aya ustad nu keur ngajarkeun kudu jadi budak bageur meh abus surga...

pa ustadz : yeuh barudak,,,peupeujeuh pesen ti bapak mah ke mun geus gede ulah bangor jeung ulah jahat, soalna eta teh balad setan nu aya di naraka,,,,,tp kudu baguer jeung sholeh meh abus surga...kira2 saha nu hayang abus surga..??

Murid kabeh : " Abi pak ustad,,,,( bari ngacung kabeh )

Pa ustad : " ( bari melong ka si kirman pedah teu ngacung )...kunaon kirman maneh teu ngacung.?? naha embung abus surga..??

Si Kirman : " Alim ah pak Ustad sieun di carekan ku si bapak "

Pa Ustad :" naha emang kunaon si bapak nyarekan..??

Si Kirman : " Da saur bapak oge ke abi mah kudu abus tentara atawa polisi..." ( bari beungeut sedih )

PEDAGANG ASONGAN

Duuh gusti mudik ayeuna mah bener2 cape, macet trus tiap angkutan pinuh ku penumpang nepi ka paseudek2, Pedagang Asongan sampe ka jiga siraru rabeng ti ditu ti dieu...
sok karunya ari nempo nu kitu teh jd asa hayang pangmeulikeun truck kontainer jang ngangkut penumpang nu rek mudik / arus balik..!!!

jeung eta aya nu watir pisan mah Tukang Asongan di gebugan ku kabeh penumpang Elf jurusan Tasik - Bandung sampe ka akhirna di amankeun ka Kantor Polisi. pas di kantor Polisi ditanya :

POLISI : " kunaon akang sampe ka di gebugan kitu..?? didiinya teh copet atawa calo nu sok maksa..??

PEDAGANG :" duka bapak abi oge bingung ujug2 di gebugan gara2 nawarkeun dagangan ka jero Mobil Elf...( bari nyepengan beungut nu barenjol )

POLISI : " Ah piraku nawaran dagangan sampe ka di gebugan kitu..?? na silaing dagang naon atuh..dagang Narkoba..??

PEDAGANG : " ah mung teu sapira bapak,,,simkuring " Dagang TARAJE " di jero Elf nu pinuh penumpang, da niat mah sugan we Payu meh aya bekeul jang Budak..!!

TARANG LECET

Peuting Kamari Mlm Jum'at, Mang Tohir tukang ojeg meunang muatan awewe geulis nu samemeh na pernah di anter ka tempat nu aneh jeung angker.

harita mah mang Tohir nyangka eta awewe teh Jurig sampe ka harita mah ngajalankeun motor kebut trus eta awewe di aclengkeun na motor sampe ka murag.

pas tadi peuting panggih deui bari sa acan di tarik di tempoan heula suku na bisi teu napak.
akhirna pikir Mang Tohir ( ah ieu mah napak suku na jd lain jurig)...
akhirna di tarik we sesuai tujuan eta awewe...tapi saparat jalan ditanya :

Mang TOHIR : " Bade kamana neng weungi kieu, bade ka terminal..?? ".

AWEWE : "ah teu kang bade ameng ka rerencangan kaleresan aya peryogi, mung bumi rerencangan na caket kebon awi nu di pas belokan cukang."

Mang TOHIR : " (bari rada reuwas, tp manehna mikir ieu mah pasti jelema )..eh neng.. dupi neng teh nu kamari sanes..?? nu numpak ojeg akang sampe ti guling..??"

AWEWE : muhun akang, emang kunaon kitu akang..?? bade ngebut deui jiga kamari.??

Mang TOHIR : " aduh punten neng, kamari teh akang kebut saking ku reuwas.... da sugan teh neng ieu jurig, boromah akang ngebut sampe ka nyuntrungkeun neng ka jalan."

AWEWE : " Muhun ih si akang mah, gara2 kamari ngebut trus neng labuh ieu sampe ka Tarang Lecet, akang mah tega..!!
keur mah Neng teh, Waos tos Ronges... Tonggong Neng geus Bolong, gara2 kamari ngalahirkeun dina Tonggong...ka tambah ayeuna Tarang Lecet ".

Mang TOHIR : " Ju,,,ju,,,JUUUUUUUUUURRRIIGGGGGG ( bari ngagorowok trus motor na nyungseub na kebon sampeu ) bari pingsan keneh sampe ka 3 poe gara2 eta.

ARUS BALIK

Ayeuna mah loba nu mudik Arus Balik,,,,terutama mah eta Motor meuni siga Rameutuk manggih Cai, ngagulung sampe ka gandeng jeung rarecet klakson...

tp dina nu ngagulung eta aya kolot ( Bapa2 & Ibu2 ) meuni watir di perhatikeun ti kajauhan manehna ngadorong motor, akhirna ku uing disamperkeun da karunya, trus uing panasaran geus we di tanya api2 basa-basi

UING : " Pak, bade mudik kamana..?? "

SI BAPAK : " Ah Caket mung Ka SUMEDANG Cep.."

UING : " Uluh Lumayan tebih atuh nya..? Dupi Ieu motor kunaon, se'ep bensin atanapi mogok..??"

SI BAPAK : " Ah Teu kunanaon cep motor mah da sae keneh.. malihan mah nembe meser minggu kamari ( ceuk indung na ngilu nembalan )."

UING : " Oh kitu..? naha atuh kunaon ieu motor di dorong teu di hurungkeun..?? (bari nempo motor nu emang alus keneh )."

SI BAPAK : " Teu kunanaon cep ( bari semu beureum beungeut )...trus Ibu na milu ngajawab " eta cep di dorong teh ngahaja, da soalna si BAPAK teu tiasa kana motor, mung ari ka Ibu mah nyariosna nuju BISUL BUJUR janten teu tiasa calik ( ceuk si Ibu bari jamedud )."

UING : " ( Bari ngabayangkeun TASIK - SUMEDANG ngadorong motor )...Har ari bapak kunaon teu naek bus atuh..??

SI BAPAK : " Nyaeta Bapak jeung Ibu mah mun naek Bus sok Utah kaluar jeung peujit na...

UING : ( bari ngaleos trus kukulutus )...aahhh dasar jelema weureu,,hanjakal di sampeurkeun jauh2..!!!

AKI - AKI SIAL

Dina hiji kapal layar aya budak leutik anakna konglomerat tikunclung ka laut, geus kitu eta indungna gogorowokan bari menta tulung supaya anakna di salametkeun ku jelema nu aya didinya..

pas jelema kabeh geus ngarumpul nempo eta budak keur kokosehan dina cai... ujug2 gajleng we...aya Aki-aki ngajleng bari nyalametkeun eta budak

kacaritakeun eta budak na geus di bawa deui kana kapal, trus indung na budak eta ngomong kieu :

Indungna : " Abah hatur nuhun pisan nya, abah kersa nyalametkeun pun anak, kinten2 abah hoyong hadiah naon ti euceu..??.."

Si Aki : " Ah abah mah teu peryogi nanaon euceu,,ngan hiji we abah mah hayang apal, saha tadi jelema nu nyuntrungkeun abah sampe nyemplung ka laut...???! ( bari beungeut jamedud jeung keuheul trus neangan jelema nu nyuntrungkeun manehna )

SI KATRO

Si Katro pemuda desa nu bangor pisan,,,hiji mangsa maneh na teu boga duit da hayang meuli minuman jang mabok,,akhirna maneh na maling Sapi nu H. Muhdi tatangga na...tp kabeneran kapanggih ku warga nu keur ngaliwat, jd we maneh na di tewak jeung di bikeun ka kantor polisi..

pas keur di kantor polisi manehna di tanya :

POLISI : " geus lila maneh maling sapi..??"

KATRO : " teu acan pernah pak..."

POLISI : " naha kunaon atuh maneh ayeuna maling sapi..??"

KATRO : " sumpah pak, abi mah teu maling sapi..." ( bari angger teu daek ngaku )

POLISI : " aeh silaing teh.. apanan geus puguh ieu aya buktina..!! ( bari nunjukeun sapi nu di paling si katro )

KATRO : " Pak..abi mah niat na oge maling tali na hungkul butuh jang nalian pageur imah, ngan eta mah Sapi na we nu salah hayang ngilu ka abi..nya atos we ku abi di ajakan ". ( bari beungeut tanpa dosa )

CURHAT DOKTER

Aya 2 orang dokter curhat,,,manehna ngobrolkeun masalah percintaan..

Dokter 1 : duuh simkuring mah aneh asa kakara aya nu naksir pasien sorangan

Dokter 2 : waduh sae atuh aya nu naksir mah, simkuring mah teu pernah aya nu naksir padahal pasien teh karasep pisan...

Dokter 1 : muhun euceu puguh ieu ge bingung, asa na mah di antep ku simkuring oge, ngan lami2 mah asa jadi nyaa'ah ka eta pasien teh,,,tp damoal mungkin mun simkuring kedah ka eta pasien mah..

Dokter 2 : naha moal mungkin..?? teu nanaon euceu da cinta mah teu mandang antara psiean jeung dokter, cinta mah da urusan perasaan..

Dokter 1 : ( bari bingung ),,duuuh kumaha atuh nya ..??

Dokter 2 : kumaha naon na euceu...?? ari euceu nya'ah mah ka eta pasien sok we jadikeun...( bari mere semangat )

Dokter 1 : sanes kitu euceu,,,apanan euceu oge terang simkuring teh Dokter Hewan...!!!

DINA JERO BUS PINUH PENUMPANG

Dina Hiji Bus jurusan Tasik - Jakarta, penumpang pabeulit paseudeuk2, malahan mah aya nu teu kabagean korsi, tp da saking ku butuh rek mudik arus balik nya daek we nangtung oge dina eta bus teh,,,maklum sieun teu kaburu nepi ka tujuan gara2 rek ngudag abus gawe...

diantara nu nangtung eta teh aya lalaki jeung awewe nu nangtung pa dempet da maklum pinuh pisan penumpang na,,kacaritakeun eta awewe jeung lalaki teh ngarobrol da meureun itung2 kenalan

LALAKI: " punten bade tumaros, dupi teteh damel na janten dokter nya..??".

AWEWE : " ( bari bingung naha ieu lalaki apaleun ),,muhun, naha geuning akang terang abi dokter..??

LALAKI : " ah nebak we pedah eta salira teteh asa bau obat-obatan...!!!

AWEWE : " muhun kang leres pisan,,( bari bingung trus sarua ngiluan nebak eta lalaki)..dupi akang damel di mana..??".

LALAKI : " (reuwas..naha ieu awewe apaleun..? ) amuhunteh, leres pisan abidamel di bengkel,,naha teteh geuningan terang..??".

AWEWE: " ah nebak we kang, pedah eta Dongkrak akangnu nempel na bujur teteh asa naek turun wae....".

LALAKI : ( langsung beureum beungeut da era )....muhun teh akang ge duka kunaon,,,,( bari bulaham bulehem )

TUKANG HAYAM VS SUPIR MULES

Aya supir nu rusuh rek balik gara2 mules,,manehna pabeulit ngajalankeun mobil siga nu di udag jurig,,,
pas keur di tikungan manehna mengkol keun mobil tekor sampe ka nabrak kandang hayam,,sampe ka hayamnu dina kandang paeh kabeh..

akhirna manehna turun niat rek sasadu ka nu boga kandang na :

SUPIR : bapak, punten abi teh kacelakaan,,tp bapak tong hariwang ku abi pasti di gentosan

TK. HAYAM : " ( bari jamedud ) emangdidinya bisa kitu ngagantian kabeh hayam nu aya dina kandang,,,mangkaning eta hayam jalu hungkul

SUPIR : " ulah hariwang pak abi mah jalmi na tangung jawab, sok bapak hoyongdi gentosan sabaraha..??"

TK. HAYAM : " ah pokona mah hayang di gantian deui ku hayam nu bibit na model hayam nu paeh eta...!!! ( bari ngambek )".

SUPIR : " aduh ari kitu mah sesah milari na, kumaha atuh carana nu gampang ..??".

TK. HAYAM : " gampang, tuh di tukang aya hiji deui hayam bikang na ( bari nunjukeun kandang nu hiji deui )

SUPIR :" hah...teu salah..?? ( reuwas bari langsung pingsan da ngabayangkeun kudu kumaha jeung hayam bikang eta )."