PERATURAN ANYAR MOTO GP

sa geus aya kajadian kecelakaan pembalap SIMONCELLI, akhirna Panitia MOTO GP nyieun peraturan anyar jang Balapan, demi keselamatan para Pembalap.

PERATURAN ANYAR MOTO GP diantarana nyaeta :

1. Sesama pembalap teu Meunang silih nyalip / mendahului.

2. Tiap Sirkuit wajib masang Polisi Tidur tiap 100 meter.

3. Tiap Pembalap wajib ngajalankeun motorna dina Kecepatan max. 10km/jam.

4. Setiap Pembalap Wajib Melong spion plus ngahurungkeun lampu sen mun tiap rek nikung.

5. Peraturan terakhir, Setiap Pembalap kudu make HELM Ganda, meh aya cadangan mun nu hiji coplok pas pembalap keur kabeneran labuh / tisoledat.

KALAKUAN SI JUNED

Sebut we ngarana JUNED, manehna budak bangor jeung caliweura di hiji lembur, hiji mangsa manehna anyar jadian bobogohan jeung awewe nu singhoreng eta awewe budak Pak Haji nu katelah galak di lembur eta, trus manehna Niat Rek APEL mlm Minggu pertama...

JUNED : Assalamu alaikum Pak Haji ". ( cungar cengir bari sieun )

PAK HAJI : " Wa Alaikumsalam, rek naon maneh kadieu ??." ( bari molotot maklum galak )

JUNED : " Bade Apel ka ci Nenk Pak Haji...( beungeut pede bari pelenyun udud )

PAK HAJI : " Heug ku Bapak di ijinan tapi kudu bisa ngajawab pertanyaan, mun teu bisa wayahna maneh teu bisa apel ka budak bapak ". ( ngadadak rada sholeh teu amuk2an )

JUNED : " mangga Pak Haji, naon tah pertanyaan na, sok atuh enggal tos teu kiat yeuh hoyong pendak sareng ci nenk." ( panasaran geus teu sabar )

PAK HAJI : " pertanyaan Bapak mah ngan hiji, Cik ari maneh Nyembah teh Ka nu aya atawa nyembah ka nu euweuh..?

JUNED : " ( na jero hate : wah cilaka duabelas euy ieu mah ) nya panginten ka nu aya."

PAK HAJI :" Nya jelaskeun mun bener AYA teh mana..?

JUNED : " Ka nu euweuh atuh lah meh tereh..." ( geus mulai teu sabar )

PAK HAJI : " Euweuh naon na kudu puguh..?"

JUNED : " Euweuh ci nenk na jigana mah Pak haji... da atuh bingung, ngajawab AYA salah, ngajawab EUWEUH oge salah..jd kumaha atuh..? ceuk Bapak Naon atuh jawaban na.?( mulai jamedud da geus teu kuat hayang gancang panggih jeung budakna )

PAK HAJI : " nu puguh mah nyembah ka nu euweuh "

JUNED : " euweuh naon na..? ( kesel bari ngabalikeun pertanyaan ka pa haji )

PAK HAJI : " Euweuh DUA na, soalna ngan eta Hiji2 na nu kudu di sembah ".

JUNED : " waahh 100 kanggo Pak Haji plus 2 KATA ti simkuring kanggo Pak Haji ".

PAK HAJI : " naon 2 KATA eta teh..?" ( panasaran bari menerkeun kopeah )

JUNED : " CUNGUR SIAAA....!!! geus kapalang putus lah aing mah,,( lumpat satarikna bari kukulutus da maklum keuheul )

PAK HAJI : " Kehed teh NURUSTUNJUNG siaaahh ka koloot....( maledog ku sendal BAKIAK )

BANCI EDAN

Sebut we ngarana mah Neng WINA, ngaran aslina mah WINARTO NOTONOGORO SASTRO WARDOYO, manehna teh katelah BANCI nu geus PERMANENT lahir Bathin...

Hiji mangsa manehna nganterkeun nu Maot ka pemakaman, beres acara pemakaman manehna nanya ka Pak Haji nu kabeneran leumpang gigireun manehna bari balik..

BANCI : " Pak Haji, teu nanaon simkuring naros..?" ( bari siga nu sieun ku pak Haji )

PAK HAJI : " Teu nanaon atuh Kasep, eehh geulis...eehh..naon atuh nya nu pantes..?" ( bari bingung da meureun kakara ngobrol jeung banci )

BANCI :" kieu Pak haji, simkuring mah apanan rumaos Banci, janten bingung pami ke maot teh disebut na naon..? apanan Lalaki mah mun maot disebut ALMARHUM, mun istri ALMARHUMAH, tah trus ke mun simkuring maot disebut na naon..?" ( bingung bari sedih plus menerkeun bulu panon nu nyengled )

PAK HAJI : " ( bingung bari ngegelan sorban ), akhirna Pak Haji nyeletuk " nya meureun mun didinya maot mah paling disebut ALMUNIUM." ( wajah kalem tanpa dosa )

BANCI : " Haar ari Pak Haji, Apanan uing mah BANCI lain PANCI....dasar haji tukang kiridit....!!! ( ngadilek bari manyun, geus kitu ngabalangkeun Sendal bari lumpat da meureun manehna ngamuk )

KALAKUAN BARUDAK SAKOLA

Sebut we si Kirun jeung si mahmud keur ngopi di saung bari carita ngalor ngidul tentang kajadian2 ayeuna sampe kajadian2 baheula nu matak sono...

KIRUN : " Dipikir2 mah asa lieur euy ningali budak sakola zaman ayeuna." ( bari gegetret da maklum bu'uk na meureun loba kutu )

MAHMUD : " Naha kumaha kitu euy...???".

KIRUN : " Eta ningali kalakuan barudak sakola dilembur uing ayeuna mah asa balangor pisan, bayangkeun we atuh eta di sakola teh budak awewe na geus teu marake BH, trus budak lalakina sok beuki ngarinum."

MAHMUD : " Tapi mun ceuk uing, eta mah Kepala Sekolah jeung Guruna we teu tegas ka murid, jeung teu mere aturan nu matak murid2 sieun jeung nurut." ( ngabahas serius maklum manehna kitu2 oge Sarjana Hukum )

KIRUN : " Hu'uh na kitu na mah, tp da murid oge teu bisa disalahkeun kitu wae ."

MAHMUD : " Nya ceuk uing mah eta murid tetep salah, da mun balener mah kalakuan na moal kitu... tapi euy , dimana eta sakolaan nu kitu..?" ( nanya semu panasaran oge )

KIRUN : " Eta euy di Sakola TK HARAPAN BANGSA."

MAHMUD : " Haaarr ari silaing Kirun, hanas ku uing di banungan ." ( keuheul bari ngarawel udud )